ಮಾಧ್ಯಮ ಪ್ರತಿನಿಧಿಗಳಿಗೆ ಆಹ್ವಾನ .

ಕರ್ನಾಟಕ  ಸರ್ಕಾರ
ವಾರ್ತಾ ಇಲಾಖೆ
ನಂ.೧೭, ವಾರ್ತಾ ಸೌಧ, ಭಗವಾನ್ ಮಹಾವೀರ ರಸ್ತೆ ಬೆಂಗಳೂರು ೫೬೦ ೦೦೧. ದೂ. ೦೮೦-೨೨೦೨೮೦೩೨/೩೪/ಫ್ಯಾಕ್ಸ್ ೨೨೦೨೮೦೪೧

ದಿನಾಂಕ:  ೧೬-೦೧-೨೦೧೦

ಮಾಧ್ಯಮ ಪ್ರತಿನಿಧಿಗಳಿಗೆ ಆಹ್ವಾನ .

೧)    ನಿವೃತ್ತ ಪೊಲೀಸ್ ಮಹಾನಿರ್ದೇಶಕರಾದ ಶ್ರೀ ಪಿ.ಜಿ.. ಹರ್ಲಂಕರ್,  ಇವರು ಜನವರಿ ೧೭ ರಂದು ಸಂಜೆ ೪-೦೦ ಗಂಟೆಗೆ ಕೋರಮಂಗಲದ ಕೆ.ಎಸ್.ಆರ್.ಪಿ. ಕ್ರೀಡಾಂಗಣದಲ್ಲಿ ನಡೆಯಲಿರುವ ೨೦೦೯ ನೇ ಸಾಲಿನ  ಕರ್ನಾಟಕ ರಾಜ್ಯ ಪೊಲೀಸ್ ವಾರ್ಷಿಕ ಕ್ರೀಡಾಕೂಟವನ್ನು ಉದ್ಘಾಟಿಸಲಿದ್ದಾರೆ.

೨)    ಗಣರಾಜ್ಯೋತ್ಸವ ದಿನಾಚರಣೆಯ ಅಂಗವಾಗಿ ಫಲಪುಷ್ಪ ಪ್ರದರ್ಶನ ಏರ್ಪಡಿಸುವ ಸಂಬಂಧ ಜನವರಿ ೧೮ ರಂದು ಮಧ್ಯಾಹ್ನ ೧೨-೦೦ ಗಂಟೆಗೆ ಪತ್ರಿಕಾಗೋಷ್ಠಿಯನ್ನು  ತೋಟಗಾರಿಕೆ ಮಾಹಿತಿ ಕೇಂದ್ರ ಲಾಲ್‌ಬಾಗ್ ಇಲ್ಲಿ ಏರ್ಪಡಿಸಲಾಗಿದೆ.  ಆನಂತರ ವಾಹನ ನಿಲ್ದಾಣದ ಬಳಿ ಇರುವ ಡಾ: ಎಂ.ಹೆಚ್. ಮರಿಗೌಡ ಸ್ಮಾರಕ ಭವನದಲ್ಲಿ ಮಾಧ್ಯಮದವರಿಗೆ ಭೋಜನ ಕೂಟ ಏರ್ಪಡಿಸಲಾಗಿದೆ.

೩)    ಕರ್ನಾಟಕ ವಿಧಾನ ಪರಿಷತ್ತಿನ ಸ್ಥಳೀಯ ಸಂಸ್ಥೆಗಳ ಕ್ಷೇತ್ರದಿಂದ ಆಯ್ಕೆಯಾಗಿರುವ ೧೮ ನೂತನ
ಸದಸ್ಯರುಗಳು  ವಿಧಾನ ಸೌಧದ ಬ್ಯಾಂಕ್ವೆಟ್  ಹಾಲ್‌ನಲ್ಲಿ ಜನವರಿ ೧೮ ರಂದು ಮಧ್ಯಾಹ್ನ
೪.೦೦ ಗಂಟೆಗೆ ಪ್ರಮಾಣವಚನ ಸ್ವೀಕರಿಸಲಿರುವರು.

೪)    ಕರ್ನಾಟಕ ರಾಜ್ಯದ ಹಿರಿಯ ಪೊಲೀಸ್ ಅಧಿಕಾರಿಗಳ ವಾರ್ಷಿಕ  ಸಮಾವೇಶದ
ಉದ್ಘಾಟನೆಯನ್ನು ಮುಖ್ಯಮಂತ್ರಿ ಶ್ರೀ ಬಿ.ಎಸ್. ಯಡಿಯೂರಪ್ಪನವರು ಜನವರಿ ೧೮ ರಂದು
ಸಂಜೆ ೪-೧೫ ಗಂಟೆಗೆ ಸಮ್ಮೇಳನ ಸಭಾಂಗಣ, ೭ನೇ ಮಹಡಿ, ಪೊಲೀಸ್ ಪ್ರಧಾನ ಕಛೇರಿ,
ನಂ.೨ ನೃಪತುಂಗ ರಸ್ತೆ ಬೆಂಗಳೂರು ಇಲ್ಲಿ ನೆರವೇರಿಸಲಿದ್ದಾರೆ.
ಮಾನ್ಯತೆ ಪಡೆದ ಮಾಧ್ಯಮ ಪ್ರತಿನಿಧಿಗಳು ಪತ್ರಿಕಾ ಛಾಯಾಗ್ರಾಹಕರು ಹಾಗೂ ವಿದ್ಯುನ್ಮಾನ ಮಾಧ್ಯಮ ಕ್ಯಾಮರಾಮನ್‌ಗಳು ಈ ಎಲ್ಲ ಕಾರ್ಯಕ್ರಮಗಳಲ್ಲಿ ಪಾಲ್ಗೊಳ್ಳಲು ಕೋರಿದೆ.

Press Invitation

In connection with the Republic Day Horticultural Show  a “Press Conference”  is arranged at 12.00 noon on January 18, 2010 at Dr. Marigowda Memorial Hall, Lalbagh Bangalore.

Accredited correspondents, photographers and cameramen from print and electronic media are requested to cover the function.

for Director

ರಾಜ್ಯದ ಹೆಲಿಟೂರಿಸಂ ಯೋಜನೆ ಅಂತರ್ ರಾಜ್ಯ ಪ್ರವಾಸೋದ್ಯಮ ನೀತಿಯಡಿ ಅತ್ಯುತ್ತಮ ಅಭ್ಯಾಸ ವಾಗಿ ಪರಿಗಣನೆ – ಕುಮಾರಿ ಶೈಲಜಾ

ಬೆಂಗಳೂರು, ಜ. ೧೬ (ಕರ್ನಾಟಕ ವಾರ್ತೆ) ಪ್ರವಾಸೋದ್ಯಮ ಬೆಳವಳಿಗೆಗೆ ಹೆಚ್ಚಿನ ಬಲ ನೀಡುವ ಸಲುವಾಗಿ ಕೇಂದ್ರ ಪ್ರವಾಸೋದ್ಯಮ ಮಂತ್ರಾಲಯವು ಹಲವಾರು ಉತ್ತೇಜನ ಕ್ರಮಗಳನ್ನು ಕೈಗೊಂಡಿದೆ. ದೇಶಕ್ಕೆ ಈ ನಿಟ್ಟಿನಲ್ಲಿ ಉತ್ತಮ ಮಾರುಕಟ್ಟೆ ಅವಕಾಶ ಒದಗಿಸಬಲ್ಲ ಮತ್ತು ಭದ್ರತಾ ಸಮಸ್ಯೆಯಿಲ್ಲದ ರಾಷ್ಟ್ರಗಳಿಗೆ ಸಂಬಂಧಿಸಿ ‘ವೀಸಾ ಆನ್ ಅರೈವಲ್’ಆರಂಭಿಸಲಿರುವುದಾಗಿ ಕೇಂದ್ರ ಪ್ರವಾಸೋದ್ಯಮ ಸಚಿವರಾದ ಕುಮಾರಿ ಶೈಲಜಾ ತಿಳಿಸಿದರು ಸಿಂಗಪೂರ್, ಫಿನ್ ಲ್ಯಾಂಡ್, ನ್ಯೂಜಿಲ್ಯಾಂಡ್, ಲಕ್ಷ್ಸೆಂಬರ್ ಮತ್ತು ಜಪಾನ್ ದೇಶಗಳಿಗೆ ಸಂಬಂಧಿಸಿದಂತೆ ಪ್ರಾಯೋಗಿಕವಾಗಿ ಈ ಯೋಜನೆ ಜಾರಿಗೊಳಿಸಲಾಗುವುದೆಂದರು. ದಕ್ಷಿಣ ರಾಜ್ಯಗಳಲ್ಲಿ ಆರೋಗ್ಯ ಮತ್ತು ವೈದ್ಯಕೀಯ ಪ್ರವಾಸೋದ್ಯಮಕ್ಕೆ ವಿಪುಲ ಅವಕಾಶಗಳಿದ್ದು ಮಧ್ಯಪ್ರಾಚ್ಯ ರಾಷ್ಟ್ರಗಳಲ್ಲಿ ಈ ಕುರಿತು ೪ ರೋಡ್ ಶೋಗಳನ್ನು ಏರ್ಪಡಿಸಲಾಗಿದೆಯೆಂದರು. ವಿದೇಶೀ ಪ್ರವಾಸಿಗಳ ರಕ್ಷಣೆ, ಸುರಕ್ಷಿತ ಪ್ರವಾsಸ ಉದ್ಯಮದ ಅಭಿವೃದ್ಧಿಗೆ ಅಗತ್ಯವೆಂದರು. ಪುರಸಭೆ ನಗರಸಭೆಗಳನ್ನು ಪ್ರವಾಸೋದ್ಯಮ ತಾಣಗಳನ್ನು ಪರಿಸರ ಸ್ನೇಹೀ, ನಿರ್ಮಲ, ಸುಂದರ ತಾಣಗಳಾಗಿ ನಿರ್ವಹಿಸುವಲ್ಲಿ ಸಕ್ರಿಯವಾಗಿ ಪಾಲ್ಗೊಳ್ಳುವಂತೆ ಮಾಡಲು ಈ ವರ್ಷದಿಂದ ‘ಅತ್ಯುತ್ತಮ ನಾಗರೀಕ ನಿರ್ವಹಿತ ಇಂಡಿಯಾ ಪ್ರವಾಸೀ ತಾಣ’ ಪ್ರಶಸ್ತಿಗಳನ್ನು ಆರಂಭಿಸಲಾಗುತ್ತಿದೆ ಎಂದರು.
ಕರ್ನಾಟಕದಲ್ಲಿ ಹೆಲಿಟೂರಿಸಂ ಕುರಿತಂತೆ ತಯಾರಿಸಿರುವ ಯೋಜನೆ ಕುರಿತಂತೆ ಕರ್ನಾಟಕದ  ಪ್ರವಾಸೋದ್ಯಮ ಸಚಿವರ ವಿವರಗಳಿಗೆ ಪ್ರತಿಕ್ರಯಿಸುತ್ತ ಕರ್ನಾಟಕದ ಈ ಯೋಜನೆಯನ್ನು ರಾಷ್ಟ್ರೀಯ ಪ್ರವಾಸೋದ್ಯಮ ನೀತಿಯಲ್ಲಿ ‘ಅತ್ಯುತ್ತಮ ಅಭ್ಯಾಸ’ ಗಳೆಂದು ಅಳವಡಿಸಿಕೊಳ್ಳುವುದಾಗಿ ತಿಳಿಸಿದರು
ಈ ಸಂದರ್ಭದಲ್ಲಿ ಅಧ್ಕಕ್ಷತೆ ವಹಿಸಿ ಮಾತನಾಡಿದ ಮುಖ್ಯ ಮಂತ್ರಿಗಳು ರಾಜ್ಯದಲ್ಲಿ ಪ್ರವಾಸೋದ್ಯಮಕ್ಕೆ ಇದ್ದ ರೂ.೫೦ ಕೋಟಿ ಅನುದಾನವನ್ನು  ರೂ.೨೫೦ಕೋಟಿಗೆ ಹೆಚ್ಚಿಸಲಾಗಿದೆಯೆಂದರು. ಪ್ರವಾಸೊದ್ಯಮ ಪ್ರವರ್ಧಮಾನಕ್ಕೆ ದಕ್ಷಿಣದ ಎಲ್ಲ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಅಗತ್ಯವಾಗಿರುವುದು ಏಕಪ್ರಕಾರದ ತೆರಿಗೆ ನೀತಿ- ರಸ್ತೆ ತೆರಿಗೆ, ಪ್ರವೇಶ ತೆರಿಗೆಗಳನ್ನು ಏಕಪ್ರಕಾರವಾಗಿ ಅಳವಡಿಸುವುದು ಅಗತ್ಯವೆಂದರು. ರಾಜ್ಯದಲ್ಲಿ ಇನ್ನೂ ಹಲವಾರು  ಬೃಹತ್ ಪ್ರವಾಸೀ ತಾಣ ಯೋಜನೆಗಳಿಗೆ ಸಿದ್ಧತೆ ನಡೆದಿದ್ದು ಕೇಂದ್ರದಿಂದ ಸಹಕಾರ ನೀಡಲು ಕೋರಿದರು..
ರಾಜ್ಯದ ಪ್ರವಾಸೋದ್ಯಮ ಸಚಿವರಾದ ಶ್ರೀ ಜನಾರ್ಧನರೆಡ್ಡಿ ಕರ್ನಾಟಕದ ಹೆಲಿ ಟೂರಿಸಂ ಯೋಜನೆ ಕುರಿತು ವಿವರಿಸಿದರು.
ಕೇಂದ್ರದ ಪ್ರವಾಸೋದ್ಯಮ ರಾಜ್ಯ ಸಚಿವರಾದ ಸುಲ್ತಾನ್ ಅಹಮದ್ ಆರೋಗ್ಯ ಮತ್ತು ವೈದ್ಯಕೀಯ ಪ್ರವಾಸೋದ್ಯಮದಲ್ಲಿ ಅಲೋಪತಿ, ಹೋಮಿಯೋಪತಿ ಒಳಗೋಂಡಂ ಸಮಗ್ರ ಯೋಜನೆ ಅಗತ್ಯವೆಂದು ತಿಳಿಸಿ  ಖಾಸಗಿ-ಸಾವಜನಿಕ ಪಾಲುದಾರತ್ವದ ಪ್ರಾಮುಖ್ಯತೆ ತಿಳಿಸಿದರು.
ಕೇರಳರಾಜ್ಯದ ಪ್ರವಾಸೋದ್ಯಮ ಸಚಿವರಾದ ಶ್ರೀ ಕೊಡಿಯೇರಿ ಬಾಲಕೃಷ್ಣನ್, ಆಂಧ್ರಪ್ರದೇಶದ ಪ್ರವಾಸೋದ್ಯಮ ಸಚಿವರಾದ ಶ್ರೀಮತಿ ಜೆ.ಗೀತಾರೆಡ್ಡಿ, ತಮಿಳುನಾಡಿನ ಪ್ರವಾಸೋದ್ಯಮ ಸಚಿವರಾದ ಶ್ರೀ ಸುರೇಶ್ ರಾಜನ್,  ಪಾಂಡಿಚೇರಿ ಪ್ರವಾಸೋದ್ಯಮ ಸಚಿವರಾದ ಮಲ್ಲಾಡಿ ಕೃಷ್ಣನ್ ರಾವ್ ಸಿಕ್ಕಿಂ ಪ್ರವಾಸೋದ್ಯಮ ಸಚಿವರಾದ ಭೀಮ್ ದುಂಗೇಲ್, ಕೇಂದ್ರ ಸರ್ಕಾರದ ಪ್ರವಾಸೋದ್ಯಮ ಕಾರ್ಯದರ್ಶಿ ಶ್ರೀ ಸುಜೀತ್ ಬ್ಯಾನರ್ಜಿ ಕರ್ನಾಟಕ ಸರ್ಕಾರದ ಮುಖ್ಯಕಾರ್ಯದರ್ಶಿ ಶ್ರೀ ಎಸ್.ವಿ. ರಂಗನಾಥ್, ಪ್ರವಾಸೋದ್ಯಮ ಇಲಾಖಾ ಪ್ರಧಾನ ಕಾರ್ಯದರ್ಶಿ   ಶ್ರೀ ಕೆ ಜ್ಯೋತಿರಾಮಲಿಂಗಂ ಮತ್ತಿತರ ಹಿರಿಯ ಅಧಿಕಾರಿಗಳು ಉಪಸ್ಥಿತರಿದ್ದರು.

Science Movie to be screened at Planetarium

Bangalore, January 16(Karnataka Information):   Jawaharlal Nehru Planetarium will screen a science movie entitled “The Elegant Universe” for the public in the Planetarium on Sunday, the January 17th 2010 at 6.00 p.m.  For more details contact the office of J N Planetarium on 222 6 6084 /  2237 9725 or visit website: http://www.taralaya.org.

The Karnataka Public Service Commission

Bangalore, January 16(Karnataka Information):   The Karnataka Public Service Commission has published the Key Answers for the information of the candidates on the Commission’s web site http:// kpsc.kar.nic.in” in connection with the competitive examinations conducted on 07-11-2009 and 08-11-2009.

The Karnataka Public Service Commission has published the Revised Provisional Select List in respect of 155 posts of Library  Assistant in the Department of Public Library on 13-1-2010.  The notification may be seen on the notice board of the Commission’s Head Office and Regional Officer of Mysore, Belgaum, Gulbarga, Shimoga and also on the Commission’s website http:// kpsc.kar.nic.in”

ವಿಧಾನ ಪರಿಷತ್ತಿನ ನೂತನ  ಸದಸ್ಯರುಗಳ  ಪ್ರಮಾಣವಚನ

ಬೆಂಗಳೂರು, ಜನವರಿ ೧೬ (ಕರ್ನಾಟಕ ವಾರ್ತೆ): ಕರ್ನಾಟಕ ವಿಧಾನ ಪರಿಷತ್ತಿನ ಸ್ಥಳೀಯ ಸಂಸ್ಥೆಗಳ ಕ್ಷೇತ್ರದಿಂದ ಆಯ್ಕೆಯಾಗಿರುವ  ಈ ಕೆಳಕಂಡ ೧೮ ನೂತನ  ಸದಸ್ಯರುಗಳು  ವಿಧಾನ ಸೌಧದ ಬ್ಯಾಂಕ್ವೆಟ್  ಹಾಲ್‌ನಲ್ಲಿ ಮಧ್ಯಾಹ್ನ ೪.೦೦ ಗಂಟೆಗೆ ಪ್ರಮಾಣವಚನ ಸ್ವೀಕರಿಸಲಿರುವರು.

ಶ್ರೀ ಬಸವರಾಜ ಹಾವಗಿಯಪ್ಪ ಪಾಟೀಲ್, (ಬೀದರ್), ಶ್ರೀ ಶಿವರಾಜ ಸಜ್ಜನರ್(ಧಾರವಾಡ),               ಶ್ರೀ ಕೋಟ ಶ್ರೀನಿವಾಸ ಪೂಜಾರಿ (ದಕ್ಷಿಣ ಕನ್ನಡ) ಶ್ರೀ ಆಚಾರ್ ಹಾಲಪ್ಪ ಬಸಪ್ಪ (ರಾಯಚೂರು)             ಶ್ರೀ ಜಿ.ಎಸ್. ನ್ಯಾಮಗೌಡ (ಬಿಜಾಪುರ)  ಶ್ರೀ ಕವಟಗಿಮಠ ಮಹಾಂತೇಶ್ (ಬೆಳಗಾಂ) ಶ್ರೀ ಆರ್.ಕೆ. ಸಿದ್ದರಾಮಣ್ಣ (ಶಿವಮೊಗ್ಗ) ಶ್ರೀ ಮೃತ್ಯುಂಜಯ ಜನಗಾ(ಬಳ್ಳಾರಿ) ಶ್ರೀ ಕೆ.ಆರ್. ಮಲ್ಲಿಕಾರ್ಜುನಪ್ಪ (ಮೈಸೂರು) ಶೀ ಜಿ.ಹೆಚ್. ತಿಪ್ಪಾರೆಡ್ಡಿ (ಚಿತ್ರದುರ್ಗ)  ಎಲ್ಲರೂ ಭಾರತೀಯ ಜನತಾ ಪಕ್ಷ.    ಶ್ರೀ ಇ. ಕೃಷ್ಣಪ್ಪ, ಬೆಂಗಳೂರು,   ಶ್ರೀ ಪಟೇಲ್ ಶಿವರಾಂ(ಹಾಸನ)ಶ್ರೀ ಬಿ. ರಾಮಕೃಷ್ಣ (ಮಂಡ್ಯ) ಶೀ ಎಸ್. ನಾಗರಾಜು (ಸಂದೇಶ್ ನಾಗರಾಜು) (ಮೈಸೂರು)  ಶ್ರೀ ಎಂ.ಆರ್. ಹುಲಿನಾಯ್ಕರ್ (ತುಮಕೂರು) ಎಲ್ಲರೂ ಜನತಾ ದಳ (ಜಾತ್ಯಾತೀತ)  ಶ್ರೀ ದಯಾನಂದ(ಬೆಂಗಳೂರು) ಶ್ರೀಮತಿ ಎ.ವಿ. ಗಾಯತ್ರಿ ಶಾಂತೇಗೌಡ(ಚಿಕ್ಕಮಗಳೂರು) ಶ್ರೀ ಅಲ್ಲಮಪ್ರಭು ಪಾಟೀಲ್(ಗುಲಬರ್ಗಾ)

ಪಡಿತರ ಪದಾರ್ಥಗಳ ಬಿಡುಗಡೆ

ಬೆಂಗಳೂರು, ಜನವರಿ ೧೬ (ಕರ್ನಾಟಕ ವಾರ್ತೆ): ಬೆಂಗಳೂರು ಅನೌಪಚಾರಿಕ ಪಡಿತರ ಪ್ರದೇಶದ ಚೀಟಿದಾರರಿಗೆ ಜನವರಿ ೨೦೧೦ ರ ಮಾಹೆಯಲ್ಲಿ ಪಡಿತರ ವಸ್ತುಗಳನ್ನು ಬಿಡುಗಡೆ ಮಾಡಲಾಗಿದೆ.
ಅಂತ್ಯೋದಯ ಅನ್ನ ಯೋಜನೆ ಪಡಿತರ ಚೀಟಿಗೆ ೨೯ ಕೆ.ಜಿ. ಅಕ್ಕಿ ಮತ್ತು ೬ ಕೆ.ಜಿ. ಗೋಧಿ, ಬಿ.ಪಿ.ಎಲ್ ಪಡಿತರ ಚೀಟಿಗಳಿಗೆ ಪ್ರತಿ ಘಟಕ ಒಂದಕ್ಕೆ ೪ ಕೆ.ಜಿ.ಯಂತೆ  ಕುಟುಂಬ ಒಂದಕ್ಕೆ ಗರಿಷ್ಠ    ೨೦ ಕೆ.ಜಿ. ಅಕ್ಕಿ ಹಾಗೂ ಒಂದು ಘಟಕಕ್ಕೆ ೧ ಕೆ.ಜಿ. ಯಂತೆ ಗರಿಷ್ಟ ೩ ಕೆ.ಜಿ. ಗೋಧಿ.  ಎಲ್ಲಾ ವರ್ಗದ ಅನಿಲ ರಹಿತ ಪಡಿತರ ಚೀಟಿಗಳಿಗೆ ತಲಾ ೭ ಲೀ. ನಂತೆ ಸೀಮೆ ಎಣ್ಣೆಯನ್ನು  ಹಾಗೂ.  ಎಎವೈ ಮತ್ತು ಬಿಪಿಎಲ್ ಪಡಿತರ ಚೀಟಿಗೆ ೧ ಕೆ.ಜಿ. ಸಕ್ಕರೆ ಬಿಡುಗಡೆ ಮಾಡಲಾಗಿದೆ.

ಅಕ್ಕಿ ಪ್ರತಿ ಕೆ.ಜಿ. ಗೆ ೩.೦೦ ರೂ. ಗೋಧಿ ಪ್ರತಿ ಕೆ.ಜಿ. ಗೆ  ೩.೦೦ ರೂ.( ಎಎವೈಗೆ ರೂ. ೨/-)  ಸಕ್ಕರೆ ಪ್ರತಿ ಕೆ.ಜಿ.ಗೆ ೧೩.೫೦ ರೂ. ಸೀಮೆ ಎಣ್ಣೆ ಪ್ರತಿ ಲೀಟರ್‌ಗೆ ೯.೪೦ ರೂ. ನಂತೆ ನಿಗದಿಪಡಿಸಲಾಗಿದೆ.

ನ್ಯಾಯಬೆಲೆ ಅಂಗಡಿಗಳು ಮತ್ತು ಚಿಲ್ಲರೆ ಸೀಮೆ ಎಣ್ಣೆ ವಿತರಕರು  ನಿಗಧಿಪಡಿಸಿದ ಪ್ರಮಾಣಕ್ಕಿಂತ ಕಡಿಮೆ ವಿತರಣೆ ಮಾಡಿದಲ್ಲಿ ಹಾಗೂ ಹೆಚ್ಚು ದರ ಪಡೆದಲ್ಲಿ, ಪಡಿತರ ಚೀಟಿದಾರರು ಪಡಿತರ ಚೀಟಿ ಸಂಖ್ಯೆ ಮತ್ತು ವಿಳಾಸದೊಂದಿಗೆ ಇಲಾಖೆಯ ಶುಲ್ಕ ರಹಿತ ಉಚಿತ ದೂರವಾಣಿ ಸಂಖ್ಯೆ ೧೮೦೦-೪೨೫-೯೩೩೯ಗೆ ಕರೆ ಮಾಡಿ ದೂರು ದಾಖಲಿಸಬಹುದಾಗಿದೆ ಎಂದು ಆಹಾರ, ನಾಗರಿಕ ಸರಬರಾಜು ಮತ್ತು ಗ್ರಾಹಕರ ವ್ಯವರಗಳ ಇಲಾಖೆ ಪ್ರಕಟಣೆ ತಿಳಿಸಿದೆ.

ನೌಕಾಪಡೆ ಹುದ್ದೆಗಳಿಗೆ ಅರ್ಜಿ ಆಹ್ವಾನ

ಬೆಂಗಳೂರು, ಜನವರಿ ೧೬ (ಕರ್ನಾಟಕ ವಾರ್ತೆ):  ಭಾರತೀಯ ನೌಕಾಪಡೆಯ ಶಿಕ್ಷಣ ವಿಭಾಗದ ಪರ್ಮನೆಂಟ್ ಕಮಿಷನ್ಡ್ ಅಧಿಕಾರಿ ಹುದ್ದೆಗೆ ಅವಿವಾಹಿತ ಯುವಕರಿಂದ ಅರ್ಜಿ ಆಹ್ವಾನಿಸಲಾಗಿದೆ.

೨೧ ರಿಂದ ೨೫ ವರ್ಷದೊಳಗಿನ ಕನಿಷ್ಠ ಶೇ. ೬೦ ಅಂಕ ಪಡೆದ ಎಂಜಿನಿಯರಿಂಗ್ ಪದವೀಧರರು ಅಥವಾ ಭೌತಶಾಸ್ತ್ರ, ಗಣಿತಶಾಸ್ತ್ರ, ರಸಾಯನಶಾಸ್ತ್ರ, ಕಂಪ್ಯೂಟರ್ ಅಪ್ಲಿಕೇಷನ್ ಕಂಪ್ಯೂಟರ್ ಸೈನ್ಸ್, ಐಟಿ , ಇಂಗ್ಲೀಷ್ ಮತ್ತು ಇತಿಹಾಸದಲ್ಲಿ ಕನಿಷ್ಟ ಶೇ. ೫೦ ಅಂಕಗಳೊಂದಿಗೆ
ಉತ್ತೀರ್ಣರಾದ ಸ್ನಾತಕೋತ್ತರ ಪದವೀಧರರು ಅರ್ಜಿ ಸಲ್ಲಿಸಬಹುದು.  ಅರ್ಜಿ ಸಲ್ಲಿಸಲು ಜನವರಿ ೧೮ ಕೊನೆಯ ದಿನ.  ಅರ್ಜಿ ಫಾರಂ ಮತ್ತಿತರ ಮಾಹಿತಿಗೆ ವೆಬ್‌ಸೈಟ್ ತಿತಿತಿ.ಟಿಚಿuseಟಿಚಿ.bhಚಿಡಿಣi.ಟಿiಛಿ.iಟಿ ಸಂದರ್ಶಿಸಲು ಕೋರಲಾಗಿದೆ.

ಆಡಳಿತ ಮಟ್ಟದಲ್ಲಿ ಸುಧಾರಣೆಯಾಗಬೇಕು – ಮುಖ್ಯ ಕಾರ್ಯದರ್ಶಿ

ಬೆಂಗಳೂರು, ಜ ೧೬ (ಕರ್ನಾಟಕ ವಾರ್ತೆ) – ಆಡಳಿತ ಯಾವ ಮಟ್ಟದಲ್ಲಿ ಇರಬೇಕೋ ಆ ಮಟ್ಟದಲ್ಲಿ ಇಲ್ಲದಿರುವುದರಿಂದ ಅನೇಕ ಸಮಸ್ಯೆಗಳು ಸೃಷ್ಟಿಯಾಗಿವೆ. ಆಡಳಿತ ಮಟ್ಟದಲ್ಲಿ ಸುಧಾರಣೆಯಾಗಬೇಕು ಎಂದು ಕರ್ನಾಟಕ ಸರ್ಕಾರದ  ಮುಖ್ಯ ಕಾರ್ಯದರ್ಶಿ                 ಶ್ರೀ ಎಸ್.ವಿ.ರಂಗನಾಥ್ ಅವರು ಅಭಿಪ್ರಾಯಪಟ್ಟರು.

ಇಂದು ಕರ್ನಾಟಕ ಆಡಳಿತ ಸೇವೆಯ ಅಧಿಕಾರಿಗಳ ಸಂಘ ಹೊರತಂದಿರುವ   ದಿನಚರಿ -೨೦೧೦ ಬಿಡುಗಡೆ ಮಾಡಿ ಮಾತನಾಡುತ್ತಿದ್ದ ಅವರು  ಅನಾಮಧೇಯನೊಬ್ಬ ಅರ್ಜಿ ಸಲ್ಲಿಸಿದರೆ ೧೫ ದಿನಗಳ ನಂತರ ಆದೇಶ ತೆಗೆದುಕೊಂಡು ಹೋಗಿ ಎಂಬ ವ್ಯವಸ್ಥೆ ಇದೆಯೇ? ಅಧಿಕಾರಿಗಳು ತಮ್ಮ ಶಕ್ತಿ ಸಾಮ್ಯರ್ಥಕ್ಕೆ ಅನುಗುಣವಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆಯೇ ಎಂಬ ಬಗ್ಗೆ  ಅವರು ಆತ್ಮ ವಿಮರ್ಶೆಮಾಡಿಕೊಳ್ಳಬೇಕು. ವ್ಯವಸ್ಥೆಯಲ್ಲಿ ಬದಲಾವಣೆಯಾಗಬೇಕೆಂದರು.

ಆಡಳಿತ ಸುಧಾರಣೆಗೆ ಸಲಹೆ ನೀಡಿ

ಈಗಿರುವ ನಿಯಮಗಳು ೪೦ ವರ್ಷಗಳ ಹಿಂದಿನವು.  ಜನಸಾಮಾನ್ಯನ ಸಮಸ್ಯೆಗಳಿಗೆ ಶೀಘ್ರವಾಗಿ ಪರಿಹಾರ ದೊರೆಯಲು ನಿರ್ಧಾರ ತೆಗೆದುಕೊಳ್ಳವ ಹಂತ ಕಡಿಮೆಯಾಗಬೇಕು. ನಾಲ್ಕು ಹಂತವಿದ್ದರೆ ಮೂರು ಹಂತಕ್ಕೆ ಇಳಿಸಬೇಕು. ಸರ್ಕಾರ ಆಡಳಿತದಲ್ಲಿ ಸುಧಾರಣೆ ತರಲು ತರಬೇತಿ ಹಾಗೂ ಸೂಕ್ತಕ್ರಮ ತೆಗೆದುಕೊಳ್ಳುವ ಬಗ್ಗೆ ಆಲೋಚಿಸಿ ಸಲಹೆಯನ್ನು ನೀಡುವುದು ನಿಮ್ಮ ಕರ್ತವ್ಯ.    ನಾವು ಒಟ್ಟಾಗಿ ಕೆಲಸ ಮಾಡಿದರೆ ಮಾತ್ರ ಉತ್ತಮ ಆಡಳಿತ ನೀಡಲು ಸಾಧ್ಯ ಎಂದರು.

ಕಾನೂನಿನ ಅರಿವಿರಲಿ

ಕಂದಾಯ ಇಲಾಖೆ ರಾಜ್ಯದ  ಸಂಪೂರ್ಣ ಭೂ ದಾಖಲೆಗಳ ನಿರ್ವಾಹಕರು.  ಜಮೀನಿನ ಹಕ್ಕು ಬದಲಾವಣೆಗೆ ಸಂಬಂಧಿಸಿದಂತೆ ಹಲವಾರು ಪ್ರಕರಣಗಳು ಇವೆ. ಮೇಲ್ಮಟ್ಟದ  ಅಧಿಕಾರಿಗಳಿಗೆ ಜಮೀನಿನ ಹಕ್ಕು ಬದಲಾವಣೆಯ ಕಾನೂನಿನ ಸಂಪೂರ್ಣ ಅರಿವಿದ್ದಾಗ ಮಾತ್ರ ಕೆಳಗಿನ ಹಂತದ ಅಧಿಕಾರಿ/ ನೌಕರರಿಗೆ ತಿಳಿಸಲು ಸಾಧ್ಯವಾಗುತ್ತದೆ. ಈ ಬಗ್ಗೆ ಸಮರ್ಪಕವಾಗಿ ಕಾರ್ಯನಿರ್ವಹಿಸಿದರೆ ಶೇ ೯೦ ರಷ್ಟು ಸಮಸ್ಯೆಗಳು ಪರಿಹಾರವಾಗುತ್ತವೆ.

ತಪ್ಪು ಮಾಡಿದವರಿಗೆ ಶೀಘ್ರವಾಗಿ ಶಿಕ್ಷೆಯಾಗಲಿ

ಉದ್ದೇಶ ಪೂರ್ವಕವಾಗಿ ತಪ್ಪು ಮಾಡಿದ ಅಧಿಕಾರಿ/ನೌಕರರಿಗೆ ಶಿಕ್ಷೆಯಾಗಬೇಕು.  ಶಿಸ್ತಿನ ವಿಚಾರಣೆ ಮೂರು ನಾಲ್ಕು ವರ್ಷಗಳಿಂದ ನೆನೆಗುದಿಗೆ ಬಿದ್ದು ಕೊಳೆಯುತ್ತಿದ್ದರೆ ಸಣ್ಣ ತಪ್ಪು ಮಾಡಿದವರು ದೊಡ್ಡ ತಪ್ಪು ಮಾಡಲು ಆಸ್ಪದವಾಗುತ್ತದೆ.  ಪೊಲೀಸ್ ಇಲಾಖೆಯಲ್ಲಿ ಈ  ರೀತಿಯ ಪ್ರಕರಣಗಳು ಹೆಚ್ಚು.

ಸಿಬ್ಬಂದಿ ಸಮಸ್ಯೆ ಪರಿಹರಿಸಿ

ಸಹಾಯ ಮನೆಯಿಂದಲೇ  ಪ್ರಾರಂಭವಾಗುತ್ತದೆ ಎಂಬ ಆಂಗ್ಲ ನಾಣ್ನುಡಿಯಂತೆ  ಸಿಬ್ಬಂದಿಗೆ ಸಂಬಂಧಿಸಿದ ಸಮಸ್ಯೆಗಳನ್ನು ಪರಿಹರಿಸಬೇಕು. ಬಡ್ತಿ, ಕಾಲಮಿತಿ ಬಡ್ತಿ, ರಹಸ್ಯ ವರದಿ ಇಲ್ಲವೆಂದು ಅಥವಾ ಮತ್ತೇನಾದರೂ ನೆಪವೊಡ್ಡಿ ಅನಗತ್ಯವಾಗಿ ಮುಂದೂಡಬಾರದು.

ಅಧೀನ ಕಚೇರಿಗಳ ತಪಾಸಣೆಯಾಗಲಿ

ಶೇ ೨೦ ರಷ್ಟು ಅಧಿಕಾರಿಗಳು ಮಾತ್ರ ಅಧೀನ ಕಚೇರಿಗಳ ತಪಾಸಣೆ ಮಾಡುತ್ತಿದ್ದಾರೆ. ಕಾಲಕಾಲಕ್ಕೆ ಅಧೀನ ಕಚೇರಿಗಳ ತಪಾಸಣೆ ಮಾಡಿದಾಗ ಅಲ್ಲಿನ ಅಧಿಕಾರಿ/ನೌಕರರ ಕಾನೂನಿನ ಬಗ್ಗೆ ಇರುವ ಅರಿವು ಮತ್ತು ಅವರು ಮಾಡುತ್ತಿರುವ ತಪ್ಪುಗಳ ಬಗ್ಗೆ ತಿಳಿದು ಅವುಗಳನ್ನು ಸರಿಪಡಿಸಲು ಸಾಧ್ಯವಾಗುತ್ತದೆ ಎಂದರು.

ಸಮಸ್ಯೆಗಳ ಪರಿಹಾರಕ್ಕೆ ಆಶ್ವಾಸನೆ

ಹೆಚ್ಚಿನ ಸಂಖ್ಯೆಯ ಕೆಎಎಸ್ ಅಧಿಕಾರಿಗಳು ಅತ್ಯತ್ತಮವಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ ಎಂದು ಪ್ರಶಂಶಿಸಿದ ಮುಖ್ಯ ಕಾರ್ಯದರ್ಶಿಗಳು ಅವರ ಎಲ್ಲ ಸಮಸ್ಯೆಗಳನ್ನು ಪರಿಹರಿಸಲು ಪ್ರಾಮಾಣಿಕ ಪ್ರಯತ್ನ ಮಾಡುವುದಾಗಿ ಆಶ್ವಾಸನೆ ನೀಡಿದರು.

ಸಮಾರಂಭದಲ್ಲಿ ಸಿಬ್ಬಂದಿ ಮತ್ತು ಆಡಳಿತ ಸುಧಾರಣೆ ಕಾರ್ಯದರ್ಶಿ ಶ್ರೀ ಕೆ.ಆರ್. ಶ್ರೀನಿವಾಸ, ಕರ್ನಾಟಕ ಆಡಳಿಯ ಸೇವೆಯ ಅಧಿಕಾರಿಗಳ ಸಂಘದ ಅಧ್ಯಕ್ಷ ಶ್ರೀ ಎಸ್.ಆರ್. ವೆಂಕಟೇಶ್, ಕಾರ್ಯದರ್ಶಿ ಪಿ.ಕೆ.ಸುಬ್ಬಯ್ಯ ಹಾಗೂ ಹಲವಾರು ಕೆ.ಎ.ಎಸ್. ಅಧಿಕಾರಿಗಳು ಭಾಗವಹಿಸಿದ್ದರು.

ಸಾರಿಗೆ ಅದಾಲತ್

ಬೆಂಗಳೂರು, ಜ ೧೬ (ಕರ್ನಾಟಕ ವಾರ್ತೆ) – ದಿನಾಂಕ ೨೧-೦೧-೨೦೧೦ ರಂದು ಮಧ್ಯಾಹ್ನ ೩.೦೦ ಗಂಟೆಗೆ ಪ್ರಾದೇಶಿಕ ಸಾರಿಗೆ ಕಚೇರಿ, ಕೆ.ಆರ್. ಪುರಂ, ಭಟ್ಟರಹಳ್ಳಿ, ಹಳೆ ಮದ್ರಾಸ್ ರಸ್ತೆ, ಬೆಂಗಳೂರು – ೪೯ ಆವರಣದಲ್ಲಿ ಸಾರಿಗೆ ಅದಾಲತ್‌ನ್ನು ಏರ್ಪಡಿಸಲಾಗಿದೆ.
ಈ ಕಚೇರಿ ವ್ಯಾಪ್ತಿಯ ಸಾರ್ವಜನಿಕರು ಸಾರಿಗೆ ಅದಾಲತ್ತ್‌ನಲ್ಲಿ ಭಾಗವಹಿಸಿ ಈ ಇಲಾಖೆಗೆ ಸಂಬಂಧಿಸಿದ ಕುಂದು ಕೊರತೆಗಳನ್ನು ಬಗೆಹರಿಸಿಕೊಳ್ಳಲು ತಿಳಿಸಲಾಗಿದೆ.

ಅರಣ್ಯ ಇಲಾಖೆ ಬ್ಯಾಕ್‌ಲಾಗ್ ಹುದ್ದೆಗಳ ನೇಮಕಾತಿ: ಮೆರಿಟ್ ಪಟ್ಟಿ ಪ್ರಕಟ

ಬೆಂಗಳೂರು, ಜ ೧೬ (ಕರ್ನಾಟಕ ವಾರ್ತೆ) – ಅರಣ್ಯ ಇಲಾಖೆಯಲ್ಲಿ ಶೀಘ್ರಲಿಪಿಗಾರ, ದ್ವಿತೀಯ ದರ್ಜೆ ಸಹಾಯಕ ಹಾಗೂ ಬೆರಳಚ್ಚುಗಾರರ ಬ್ಯಾಕ್‌ಲಾಗ್ ಹುದ್ದೆಗಳಿಗೆ ಅಭ್ಯರ್ಥಿಗಳು ಸಲ್ಲಿಸಿದ ಅರ್ಜಿಗಳನ್ನು ಆಯಾ ಹುದ್ದೆವಾರು ಮೆರಿಟ್ ಪಟ್ಟಿ ಹಾಗೂ ತಿರಸ್ಕೃತ ಅರ್ಜಿಗಳ ಪಟ್ಟಿಯನ್ನು ಪ್ರಕಟಿಸಲಾಗಿದೆ.  ಈ ಪಟ್ಟಿಯನ್ನು ಕರ್ನಾಟಕ ಅರಣ್ಯ ಇಲಾಖೆಯ ವೆಬ್‌ಸೈಟ್  http://www.karnatakaforest.gov.in  ನಲ್ಲಿ ಹಾಗೂ ಅರಣ್ಯ ಭವನ, ಮಲ್ಲೇಶ್ವರಂ  ಬೆಂಗಳೂರು ಮತ್ತು ರಾಜ್ಯದ ಎಲ್ಲಾ ವೃತ್ತಗಳ ಅರಣ್ಯ ಸಂರಕ್ಷಣಾಧಿಕಾರಿಗಳ (ಪ್ರಾದೇಶಿಕ) ಕಚೇರಿಗಳಲ್ಲಿ ಪ್ರಕಟಿಸಲಾಗಿದೆ.

ಈ ಸಂಬಂಧ ಆಕ್ಷೇಪಣೆಗಳೇನಾದರೂ ಇದ್ದಲ್ಲಿ ಅಭ್ಯರ್ಥಿಗಳು ದಾಖಲೆಗಳೊಂದಿಗೆ ತಮ್ಮ ಆಕ್ಷೇಪಣೆಗಳನ್ನು ಅರಣ್ಯ ಸಂರಕ್ಷಣಾಧಿಕಾರಿ (ಕೇಂದ್ರಸ್ಥಾನ), ಪ್ರಧಾನ ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿಗಳ ಕಚೇರಿ, ೧ನೇ ಮಹಡಿ, ಅರಣ್ಯ ಭವ ನ, ೧೮ನೇ ಅಡ್ಡರಸ್ತೆ, ಮಲ್ಲೇಶ್ವರಂ, ಬೆಂಗಳೂರು ಇವರಿಗೆ ಜನವರಿ ೨೮ ರೊಳಗೆ ಸಲ್ಲಿಸುವಂತೆ ಅರಣ್ಯ ಇಲಾಖೆ ಪ್ರಕಟಣೆ ತಿಳಿಸಿದೆ.

ರಾಜ್ಯ ಮಟ್ಟದ ಮಾಧ್ಯಮ ಮತ್ತು ಸಂಪರ್ಕ ಸಮಿತಿ
ಬೆಂಗಳೂರು, ಜ ೧೬ (ಕರ್ನಾಟಕ ವಾರ್ತೆ) –  ಅಲ್ಪಸಂಖ್ಯಾತರ ಕಲ್ಯಾಣ ಅಭಿವೃದ್ಧಿ ಕಾರ್ಯಕ್ರಮದಡಿಯಲ್ಲಿ ಯೋಜನೆಗಳ ಪ್ರಸಾರ ಕಾರ್ಯಗತಗೊಳಿಗಸಲು ಅಲ್ಪಸಂಖ್ಯಾತರ ಕಲ್ಯಾಣ ಇಲಾಖೆ ಪ್ರಧಾನ ಕಾರ್ಯದರ್ಶಿಗಳ ಅಧ್ಯಕ್ಷತೆಯಲ್ಲಿ ರಾಜ್ಯಮಟ್ಟದ ಮಾಧ್ಯಮ ಮತ್ತು ಸಂಪರ್ಕ ಸಮಿತಿಯನ್ನು ರಚಿಸಲಾಗಿದೆ.
ಸಮಿತಿಯ ಸದಸ್ಯರ ವಿವರ ಕೆಳಗಿನಂತಿದೆ

ಪ್ರಧಾನ ಕಾರ್ಯದರ್ಶಿ/ಕಾರ್ಯದರ್ಶಿ (ಅಲ್ಪಸಂಖ್ಯಾತರ ಇಲಾಖೆ) – ಅಧ್ಯಕ್ಷರು, ನಿರ್ದೇಶಕರು, ದೂರದರ್ಶನ ಕೇಂದ್ರ – ಸದಸ್ಯರು,  ನಿರ್ದೇಶಕರು, ಆಕಾಶ ವಾಣಿ – ಸದಸ್ಯರು   , ನಿರ್ದೇಶಕರು, ಡಿ.ಎ.ವಿ.ಪಿ –  ಸದಸ್ಯರು , ಪ್ರತಿನಿಧಿಗಳು, ವಾರ್ತಾ ಮತ್ತು ಪ್ರಚಾರ, ಭಾರತ ಸರ್ಕಾರ, ಬೆಂಗಳೂರು – ಸದಸ್ಯರು,  ನಿರ್ದೇಶಕರು, ವಾರ್ತಾ ಮತ್ತು ಪ್ರಚಾರ ಇಲಾಖೆ, ಕರ್ನಾಟಕ ಸರ್ಕಾರ – ಸದಸ್ಯರು,   ನಿರ್ದೇಶಕರು, ಅಲ್ಪಸಂಖ್ಯಾತರ ಇಲಾಖೆ – ಸದಸ್ಯರು,   ಮುಖ್ಯ ಕಾರ್ಯನಿರ್ವಹಣಾಧಿಕಾರಿ, ಕರ್ನಾಟಕ ರಾಜ್ಯ ವಕ್ಫ್ ಬೋರ್ಡ್ – ಸದಸ್ಯರು, ಕಾರ್ಯನಿರ್ವಾಹಣಾಧಿಕಾರಿ, ಕರ್ನಾಟಕ ರಾಜ್ಯ ಹಜ್ ಸಮಿತಿ – ಸದಸ್ಯರು, ವ್ಯವಸ್ಥಾಪಕ ನಿರ್ದೇಶಕರು, ಕರ್ನಾಟಕ ಅಲ್ಪಸಂಖ್ಯಾತರ ಅಭಿವೃದ್ಧಿ ನಿಗಮ – ಸದಸ್ಯರು, ನಿರ್ದೇಶಕರು, ಉರ್ದು ಮತ್ತು ಇತರೆ ಅಲ್ಪಸಂಖ್ಯಾತರ ಭಾಷಾ ಶಾಲೆಗಳ ನಿರ್ದೇಶನಾಲಯ – ಸದಸ್ಯರು, ನಿರ್ದೇಶಕರು, ಕೌಶಲ್ಯ ಅಭಿವೃದ್ಧಿ ನಿಗಮ ನಿಯಮಿತ – ಸದಸ್ಯರು, ಕಾರ್ಯದರ್ಶಿ, ಕರ್ನಾಟಕ ರಾಜ್ಯ ಅಲ್ಫಸಂಖ್ಯಾತರ ಆಯೋಗ – ಸದಸ್ಯರು, ಕಾರ್ಯನಿರ್ವಾಹಕ ನಿರ್ದೇಶಕರು, ಕರ್ನಾಟಕ ವಸತಿ ಶಿಕ್ಷಣ ಸಂಸ್ಥೆ – ಸದಸ್ಯರು ಹಾಗೂ ಸರ್ಕಾರದ ಉಪ ಕಾರ್ಯದರ್ಶಿಗಳು, ಅಲ್ಫಸಂಖ್ಯಾತರ ಕಲ್ಯಾಣ ಇಲಾಖೆ – ಸಮಾವೇಶಕರಾಗಿರುತ್ತಾರೆ.

ಪರಿಷ್ಕೃತ ಕೀ ಉತ್ತರ  ಪ್ರಕಟ

ಬೆಂಗಳೂರು, ಜ ೧೬ (ಕರ್ನಾಟಕ ವಾರ್ತೆ) –  ಕರ್ನಾಟಕ ಲೋಕಸೇವಾ ಆಯೋಗದಿಂದ             ದಿನಾಂಕ ೭-೧೧-೨೦೦೯ ಮತ್ತು ೮-೧೧-೨೦೦೯ ರಂದು ನಡೆಸಲಾದ ಸ್ಪರ್ಧಾತ್ಮಕ ಪರೀಕ್ಷೆಗಳ ಪರಿಷ್ಕೃತ ಕೀ ಉತ್ತರ ಗಳನ್ನು ಆಯೋಗದ ಅಂತರ್ಜಾಲ ‘http://kpsc.kar.nic.in’  ನಲ್ಲಿ ಅಭ್ಯರ್ಥಿಗಳ ಮಾಹಿತಿಗಾಗಿ ಪ್ರಕಟಿಸಲಾಗಿದೆ ಎಂದು ಕರ್ನಾಟಕ ಲೋಕಸೇವಾ ಆಯೋಗದ ಪ್ರಕಟಣೆ ತಿಳಿಸಿದೆ.

ತಾತ್ಕಾಲಿಕ ಆಯ್ಕೆಪಟ್ಟಿ ಪ್ರಕಟ

ಬೆಂಗಳೂರು, ಜ ೧೬ (ಕರ್ನಾಟಕ ವಾರ್ತೆ) –  ಕರ್ನಾಟಕ ಲೋಕಸೇವಾ ಆಯೋಗವು, ಸಾರ್ವಜನಿಕ ಗ್ರಂಥಾಲಯ ಇಲಾಖೆಯಲ್ಲಿನ ೧೫೫ ಗ್ರಂಥಾಲಯ ಸಹಾಯಕರ ಹುದ್ದೆಗಳ ಪರಿಷ್ಕೃತ ತಾತ್ಕಾಲಿಕ ಆಯ್ಕೆಪಟ್ಟಿಯನ್ನು ದಿನಾಂಕ ೧೩-೦೧-೨೦೧೦ ರಂದು ಪ್ರಕಟಿಸಿದ್ದು, ಸದರಿ ಅಧಿಸೂಚನೆಯನ್ನು ಆಯೋಗದ ಕೇಂದ್ರ ಕಚೇರಿ ಮತ್ತು ಮೈಸೂರು, ಬೆಳಗಾವಿ, ಗುಲ್ಗರ್ಗಾದ ಹಾಗೂ ಶಿವಮೊಗ್ಗ ಪ್ರಾಂತೀಯ ಕಚೇರಿಗಳ ಪ್ರಕಟಣಾ ಫಲಕಗಳಲ್ಲಿ ಮತ್ತು ಆಯೋಗದ ವೆಬ್ ಸೈಟ್ ‘http://kpsc.kar.nic.in’
ನಲ್ಲಿ ಅಭ್ಯರ್ಥಿಗಳ ಮಾಹಿತಿಗಾಗಿ ಪ್ರಕಟಿಸಲಾಗಿದೆ ಎಂದು ಕರ್ನಾಟಕ ಲೋಕಸೇವಾ ಆಯೋಗದ ಪ್ರಕಟಣೆ ತಿಳಿಸಿದೆ.

ಯಶೋಗಾಥೆಗಳ ಕ್ಯಾಲೆಂಡರ್
ಬೆಂಗಳೂರು, ಜ ೧೬ (ಕರ್ನಾಟಕ ವಾರ್ತೆ) –  ರಾಜ್ಯ ತೋಟಗಾರಿಕೆ ಇಲಾಖೆಯು ’ರಾಷ್ಟ್ರೀಯ ತೋಟಗಾರಿಕಾ ಮಿಷನ್’ನಡಿ ಮುಂಚೂಣಿಯಲ್ಲಿರುವ ರಾಜ್ಯ ಇದೀಗ ತೋಟಗಾರಿಕೆ ಮಿಷನ್‌ನ ಯಶೋಗಾಧೆಗಳನ್ನು ಬಿಂಬಿಸುವ ಕ್ಯಾಲೆಂಡ್ ಬಿಡುಗಡೆಮಾಡುವ ಮೂಲಕ ಸಾಧನೆಗೆ ಕನ್ನಡಿ ಹಿಡಿದಿದೆ.

ಈ ಕ್ಯಾಲೆಂಡರನ್ನು ತೋಟಗಾರಿಕೆ ಮತ್ತು ಬಂದೀಖಾನೆ  ಸಚಿವ ಶ್ರೀ ಉಮೇಶ್ ಕತ್ತಿ ಅವರು ಬಿಡುಗಡೆ ಮಾಡಿದರು.  ಈ ಸಂದರ್ಭದಲ್ಲಿ ತೋಟಗಾರಿಕೆ ಇಲಾಖೆ ಕಾರ್ಯದರ್ಶಿ ಶ್ರೀ ಎಸ್. ಜಿ. ಹೆಗಡೆ, ನಿರ್ದೇಶಕ ಶ್ರೀ ಎನ್. ಜಯರಾಂ ಮೊದಲಾದವರು ಉಪಸ್ಥಿತರಿದ್ದರು. (ಇದಕ್ಕೆ ಸಂಬಂಧಿಸಿದ ಚಿತ್ರವನ್ನು ಇ-ಮೇಲ್ ಮಾಡಲಾಗಿದೆ)

ವಿದ್ಯಾರ್ಥಿ ನಿಲಯ ಪ್ರವೇಶಕ್ಕೆ ಅರ್ಜಿ ಆಹ್ವಾನ

ಬೆಂಗಳೂರು, ಜ ೧೬ (ಕರ್ನಾಟಕ ವಾರ್ತೆ) –  ಬೆಂಗಳೂರು ದಕ್ಷಿಣ ತಾಲ್ಲೂಕು ವ್ಯಾಪ್ತಿಯ ಪರಿಶಿಷ್ಟ ಜಾತಿ/ವರ್ಗದ ಬಿ.ಇ.ಡಿ. ವಿದ್ಯಾರ್ಥಿಗಳಿಂದ ಸಮಾಜ ಕಲ್ಯಾಣ ಇಲಾಖೆಯು ವಿದ್ಯಾರ್ಥಿ ನಿಲಯಗಳಿಗೆ ಪ್ರವೇಶಕ್ಕಾಗಿ ಅರ್ಜಿ ಆಹ್ವಾನಿಸಲಾಗಿದೆ.
ಅಗರದ ಸರ್ಕಾರಿ ವರ್ಗೀಕೃತ ಕಾಲೇಜು ಬಾಲಕರ ವಿದ್ಯಾರ್ಥಿ ನಿಲಯ ಹಾಗೂ ವಾಜರಹಳ್ಳಿಯ ಪರಿಶಿಷ್ಟ ವರ್ಗದ ಕಾಲೇಜು ಬಾಲಕರ ವಿದ್ಯಾರ್ಥಿ ನಿಲಯಗಳಿಗೆ ಪ್ರವೇಶಾವಕಾಶವಿದೆ.  ಬೆಂಗಳೂರು ದಕ್ಷಿಣ ತಾಲ್ಲೂಕು ವ್ಯಾಪ್ತಿಯ ಕಾಲೇಜುಗಳಲ್ಲಿ ಅಭ್ಯಾಸಮಾಡುವ ವಿದ್ಯಾರ್ಥಿಗಳು ಅರ್ಜಿಗಳನ್ನು ಸಂಬಂಧಪಟ್ಟ ನಿಲಯದ ಮೇಲ್ವಾಚಾರಕರಿಂದ ಅಥವಾ ತಾಲ್ಲೂಕು ಸಮಾಜ ಕಲ್ಯಾಣ ಅಧಿಕಾರಿಗಳು, ಬೆಂಗಳೂರು ದಕ್ಷಿಣ ತಾಲ್ಲೂಕು, ಬನಶಂಕರಿ ಇವರಿಂದ ಪಡೆದು, ಭರ್ತಿಮಾಡಿ, ಎಲ್ಲ ದಾಖಲೆಗಳೊಂದಿಗೆ ಜನವರಿ ೨೫ ರೊಳಗೆ ಸಲ್ಲಿಸುವಂತೆ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.

ತುಮಕೂರಿನಲ್ಲಿ ಕೈಗಾರಿಕಾ ಅದಾಲತ್

ಬೆಂಗಳೂರು, ಜ ೧೬ (ಕರ್ನಾಟಕ ವಾರ್ತೆ) –  ಬೃಹತ್ ಮತ್ತು ಮಧ್ಯಮ ಕೈಗಾರಿಕಾ ಸಚಿವರಾದ ಶ್ರೀ ಮುರುಗೇಶ್ ನಿರಾಣಿ ಇವರ ನೇತೃತ್ವದಲ್ಲಿ ಬೆಂಗಳೂರು  ವಿಭಾಗ ಮಟ್ಟದ ಉದ್ದಿಮೆಗಳ ಅಭಿವೃದ್ದಿಗೆ ಸಂಬಂಧಿಸಿದಂತೆ ೨೭-೦೧-೨೦೧೦ ರಂದು ಬೆಳಿಗ್ಗೆ ೧೦.೩೦ ಗಂಟೆಗೆ ಗುಬ್ಬಿ ವೀರಣ್ಣ ರಂಗ ಮಂದಿರ, ಖಾಸಗಿ ನಿಲ್ದಾಣದ ಸಮೀಪ, ತುಮಕೂರು ಇಲ್ಲಿ ಏರ್ಪಡಿಸಲಾಗಿದೆ.

ಉದ್ದಿಮೆಗಳ ಅಭಿವೃದ್ಧಿಗೆ ಹಾಗೂ ಸಮಸ್ಯೆಗಳ ನಿವಾರಣೆಗಾಗಿ ಸಂಬಂಧಪಟ್ಟ ಇಲಾಖೆಗಳ/ನಿಗಮ/ಮಂಡಳಿಗಳ ಅಧಿಕಾರಿಗಳೊಂದಿಗೆ ಈ ಅದಾಲತ್ತನ್ನು ಹಮ್ಮಿಕೊಳ್ಳಲಾಗಿದೆ.

ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ಉದ್ದಿಮೆದಾರರು ತಮ್ಮ ಕೈಗಾರಿಕಾ ಘಟಕಗಳ ಸಮಸ್ಯೆಗಳ ಕುರಿತು ಸಂಪೂರ್ಣ ವಿವರಗಳನ್ನು ಲಿಖಿತ ರೂಪದಲ್ಲಿ ದಿನಾಂಕ ೨೦-೦೧-೨೦೧೦ ರ ಸಾಯಂಕಾಲ ೫.೦೦ ಗಂಟೆಯೊಳಗಾಗಿ ಜಂಟಿ ನಿರ್ದೇಶಕರ ಕಚೇರಿ, ಜಿಲ್ಲಾ ಕೈಗಾರಿಕಾ ಕೇಂದ್ರ, ಬೆಂಗಳೂರು ಗ್ರಾಮಾಂತರ ಜಿಲ್ಲೆ, ರಾಜಾಜಿನಗರ ಕೈಗಾರಿಕಾ ವಸಾಹತು, ವೆಸ್ಟ್ ಆಫ್ ಕಾರ್ಡ್ ರಸ್ತೆ, ಬೆಂಗಳೂರು – ೫೬೦ ೦೪೪ ವಿಳಾಸಕ್ಕೆ ಅಂಚೆಯ ಮೂಲಕ/ಖುದ್ದಾಗಿ ಅಥವಾ ಫ್ಯಾಕ್ಸ್/ ಇ-ಮೇಲ್ (ಪ್ಯಾಕ್ಸ್ -೦೮೦-೨೩೧೪೫೨೧೬, ಇ-ಮೇಲ್  jd-bang-r@karnatakaindustry.gov.in) ಮುಖಾಂತರ ಕಳುಹಿಸಲು ಕೋರಿದೆ.  ಕೈಗಾರಿಕೋದ್ಯಮಿಗಳು ಈ ಸದಾವಕಾಶವನ್ನು ಉಪಯೋಗಿಸಿಕೊಂಡು , ಅದಾಲತ್‌ನಲ್ಲಿ ಭಾಗವಹಿಸಿ ತಮ್ಮ ಸಮಸ್ಯೆಗಳಿಗೆ ಪರಿಹಾರ ಕಂಡುಕೊಳ್ಳುವಂತೆ ಜಿಲ್ಲಾ ಕೈಗಾರಿಕಾ ಕೇಂದ್ರದ ಜಂಟಿ ನಿರ್ದೇಶಕರು ವಿನಂತಿಸಿದ್ದಾರೆ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: